Прафілактычная акцыя "Бяспечныя канікулы"

З мэтай недапушчэння ДТЗ з удзелам непаўналетніх, напярэдадні і падчас зімовых школьных канікулаў, з 16 снежня 2024 года па 7 студзеня 2025 года Дзяржаўтаінспекцыя Мінскай вобласці з іншымі службамі міліцыі грамадскай бяспекі праводзіць прафілактычную акцыю "Бяспечныя канікулы".  Перад пачаткам школьных канікулаў супрацоўнікі міліцыі праводзяць ва ўстановах адукацыі як сярод дзяцей, так і дарослых прафілактычныя гутаркі, накіраваныя на папярэджанне дарожна-транспартных здарэнняў і бяспечныя паводзіны ў быце. У час гутарак тлумачацца асноўныя рызыкі і пагрозы бяспецы дзяцей на дарозе, неабходнасць няўхільнага захавання правілаў перавозкі непаўналетніх у транспартных сродках, правілы бяспечных паводзін на дарозе, у транспарце і ў дварах. Адмысловая ўвага надаецца правілам пераходу праезнай часткі па пешаходных пераходах, недапушчальнасці выкарыстання пры гэтым мабільных тэлефонаў, іншых электронных прылад, а таксама выбару дзецьмі бяспечных месцаў для актыўных гульняў, а таксама абавязковаму нашенню святлоадбіўных элементаў у цёмны час сутак, што з'яўляецца немалаважнай часткай для бяспекі дзіцяці . Так як у канікулярны перыяд заўсёды намячаецца актыўная перавозка дзяцей, а статыстыка ДТЗ з удзелам непаўналетніх сведчыць аб тым, што ў большай ступені пацярпелі дзеці-пасажыры - пад асаблівым кантролем вартавых дарог - вадзіцелі, якія адказваюць за бяспеку перавозкі сваіх пасажыраў.

Дарослым трэба не пакідаць непаўналетніх без нагляду. Перш чым адправіць дзіця на вуліцу, варта нагадаць яму асноўныя правілы бяспечных паводзін на вуліцы. У абавязковым парадку трэба перавозіць дзяцей толькі прышпіленымі рамянямі бяспекі, а для дзяцей малодшага ўзросту выкарыстоўваць спецыяльныя ўтрымлівальныя прылады.