Памяць і боль беларускай зямлі

На акупіраванай фашыстамі тэрыторыі Беларусі фашыстамі было створана больш за 260 лагераў смерці і месцаў масавага знішчэння людзей. Вялізныя масы насельніцтва сталі вязнямі фашысцкіх канцлагераў. Шэрагі калючага дроту, вартаўнічыя вышкі, спецыяльна выдрэсіраваныя сабакі ўвасаблялі фашысцкі "новы парадак". Па далёка не поўных дадзеных у лагерах смерці на тэрыторыі Беларусі нацысты знішчылі звыш 1400000 чалавек.

 Характэрнай асаблівасцю палітыкі генацыду і "выпаленай зямлі" стала знішчэнне населеных пунктаў разам з жыхарамі. За гады акупацыі (1941-1944 гг.) гітлераўцы правялі ў Беларусі больш за 140 буйных карных аперацый.

 Беларускі народ не змірыўся з фашысцкай акупацыяй. Першыя партызанскія атрады ў Беларусі дзейнічалі ў тыле ворага ўжо ў чэрвені-ліпені 1941г. Выяўляючы мужнасць і гераізм, не шкадуючы ні сіл, ні жыцці яны ўпарта і настойліва грамілі ворага.

Акупанты на захопленай тэрыторыі:

1. Увялі абмежаванне грамадзянскіх свабод мясцовага насельніцтва.

2. Учынялі масавыя забойствы  камуністаў, камсамольцаў, актывістаў савецкай улады, прадстаўнікоў інтэлігенцыі; з асаблівай жорсткасцю знішчаліся яўрэі, цыганы, фізічна і псіхічна хворыя.

3. Стварылі сістэму турмаў і канцэнтрацыйных лагераў:  у Беларусі дзейнічала больш за 260 канцэнтрацыйных лагераў смерці, іх філіялаў і аддзяленняў.

4.  «Халакост»

"Халакост" - знішчэнне нацыстамі ў гады Другой сусветнай вайны яўрэйскага насельніцтва Еўропы. У выніку праведзеных карных акцый за час вайны ў Беларусі было знішчана больш за 600 тыс. яўрэяў.

5.  Карныя экспедыцыі.

У мэтах барацьбы з антыгерманскім супрацівам, падаўленні камуністычнай ідэалогіі і запалохванні насельніцтва шырока выкарыстоўваліся карныя экспедыцыі.